من هنا انطلقت فنونيه

 معلمتي بتعرفي ترسمينا ؟

معلمتي أرسميني انا

لاااااااا انا قلت قبلك

أرسمينا كلنا ههههههههه

بدي أحاول أرسمكم  بس  لازم تساعدوني

انت يعني رسامه ؟

انت معلمه؟

 شو بدك نعمل؟

   نفكرررر سوا

بنات وولاد انرسمنا وكيفنا

وعلى المواد اتعرفنا

لونا بعض وساحاتنا زينا

وكله من ابداع ايدينا

ياحيطان روضتنا لاتعتبي علينا

بعد عنا كثير مشاعر وأفكار نعملها بايدينا

رسمنا تعلمنا وفكرنا وبادرنا وتفننا وكله بهون لأجلك ياروضتنا

وبطريق الفن امشينا

وعلى الفنانين اهتدينان

على بيت موندريان اتعرفنا

وألوانه الأساسيه وتصميمه سحرنا

وبلوحاته اتمعنا واتعلمنا . ولما رسمنا لوحته بساحتنا

كانت فرصه حلوه نحاول نعمل لوحتنا

والأحلى انها صارت خلفيه لمسرحنا

وأحيانا حيط مكمل لبيتنا الي بنينا بايدينا

ومره صارت اللوحه لوح نعلق عليه شالاتنا

ومره حروفنا وأرقامنا

يا الله هاللوحه السحريه سحرتنا بجمالها

وخلت نبع أفكار يطلع من عقولنا

وامشينا وتجولنا وعلى قريتنا تعرفنا

تنشم تراب  قريتنا ونعمل من طينها تحفنا

وبالطين اشتغلنا

جمعنا صنوبر.خروب .حجار .تراب .أوراق وثمار .حلزونات وقواقع وهاي كانت غلتنا

زينا شغلنا

وسرح الخيال بلعبنا

وكانت كعكتنا من طينا وشمسنا اشعتها اوراق شجرنا

وعدينا الخرزات لما عملنا مسبحتنا

واحلى قلوب كانت لأمنا

وباوراق الشجر طبعنا وألوانها افهمنا

مزعنا أوراق وقصينا واتدربنا وعضلاتنا قوينا بس هالورقات ما كبينا

جمعناهن وخبيناهن وصرنا نلم من حوالينا

ما خلينا مطبعه تعتب علينا وطلبنا من مجلسنا وما ملينا

سألنا معلمتنا شو بدنا نعمل؟ رجعت تقلنا فكروا

اه

فكرنااااا

اسواره يأدينا .او حيه كبيييره تمشي بساحتنا

أو دوده تسيح ببركتنا

عصفور معلمتي يطير بصفنا

بدي أرنب. دبدوب

عمهلكم شوي بفكر بدكم جنينة حيوانات ؟ جاوبتنا معلمتنا

حطينا الورق بالمي وعجنا

وياعيني شو طلع منا

الرياضه يتحلي ايامنا

ومن الجرايد عملنا طاباتنا

لعبنا فيهن وانبسطنا

وصار وقت نفكر شو ممكن نعمل بطاباتنا

والفنونيه اشتغلت بخيالنا

وبلشنا بالحيه الي بدها تزحف بساحتنا

واتغلبنا تنا عملناها بدياتنا ولوناها بالواننا

بس خفنا شوي لما خلصناها

طورنا عجينتنا وقررنا نعمل ورقنا

وطلبنا مساعدة من فنانتنا

عجنا الورق بالمي  وخلطنا

وبالشمندر والتراب والكركم والمواد الطبيعيه لونا

وبالمنخل طبعنا احلى اوراق ونشفنا

واخذناهن عالسهل ورسمنا مع ابونا وامنا واخوتنا

وما ننسى اطفال بلدنا شاركنا

فنونيتنا فنيناها والكم قدمناها

منشكر معلمتنا ومساعداتها  وطاقمها

والمرشدات شيرين ونرجس الي دعمونا بضحكه وكلمه حلوه يأفكارنا

واحترامنا وتقديرنا للغاليه مفتشتنا .د سناء علاء الدين

فتنا عالروضه ما منعرف نحكي من خجلنا

شوفونا اليوم وين صرنا

بعد مهاراتنا وعضلاتنا طورنا

 وأبواب العلم والخيال انفتحت بعقولنا

شاركنا أهلنا بورشاتنا

ومع صفوف البساتين اشتركنا

بفعاليات فنيه انبسطنا

وعيونا على صف البستان تيضمنا

اطلعنا عالسهل وشاركنا أهل بلدنا بفنونيتنا

والكل انبسط وشجعنا