عملت طيارة ورق حمرة وخضرة وحلوة كثير

.ربطا بخيط ملون ثُمَّ ركضت حتى تطير

هب الهوا وطيرها

وخلاني من الفرحة أطير

شافوها أصحابي وسألوا:

بتسمح نلعب يا أَميرْ؟

وصِرْنا نلعَب ويّا الريحْ

والطيّارة والعصافيرْ,

ولّما الهوا فرح كثيرْ

شَدِّ الخيط بْحُبِّ كبيرْ,

انقطع الخيط الّلي بُربْطها

وبعدتْ عَنّا كثيرْ كثيرْ.

ركضنا وراها نْرجِّعها

ما قدرنا حتى نلحقها

وبعدت عَنّا كثير

وبعدت عَنّا كثير.

ازعلنا وعَ البيت رجعنا

واللُعبِة خِلصِت بكّير

سألتني أُمي بدَهشة

وين الطيارة يا أمير؟

قُلت لها راحت لبعيد

يمكن زارت بلد جديد

ويمكن علقت عالشجرة

راح فتش عنها بُكرة.

تاني يوم تجمّعنا

وكثير تعبنا وفتّشنا

لكن سامي فاجأنا

نطّ وغنّى وصار يقول

لقيت الطيّارة لقيتها

لقيتها على الشجرة لقيتها

شْوَي شْوَي بشطارة,

نَزَّلنا هالطيّارة,

مَشروخة على جنبها كثير

لكن ممكن تتصلح وتطير.

وبسرعة صَلحناها

رَكَضنا وطيّرناها

صار الرّيح يلاعبها

شْمال ويمين يمَرجِحها

 طيارة ورق عنّا

حمرة وخضرة وحلوة كثير

.ربطناها بخيط ملوّن

.ثُمَّ ركضنا حتى تطير

ركب الصورة التالية:

استمع الى الاغنية

هيا نحل التمارين التالية :