قصة رقم 5

مشروع جسر الأجيال

في مدرسة

عمر بن الخطاب الابتدائية – الطيبة

للعام 2016-2017

الرايب للحبايب ، والزبدة للنسايب 

أذكر كيف كانت امي تذهب لحلب الغنم، وصنع السعن من جلد الغنم من اجل حفظ الحليب وخضه ليصبح لبن وزبدة 

بتذكر بهاي الايام بقينا بس تطلع الشمس نقوم نركض برا مشان نساعد امنا ، قسم من البنات تروح وتجمع البيض ، وقسم يروح ويكنس الساحة ، وقسم ينادي يما انا دوري أطعم علف للبقرات ، وقسم يوقف حد امي يتفرج كيف بدها تحلب هالغنمات . وكلنا نلتم يوم ما تقوم امي  تسلخ جلد الغنمات وبعدها تنظفه وتطمره بالتراب لثلاث اربع ايام . وأحيانًا بقت تجيب جلد الغنم وتدقوا مع ملح مشان ميسحش الصوف ونعلقه علحيط تيصير جاعد

بقينا كلنا نتعاون مع بعض ، ايد وحدة الكبير والصغير

أكملت الحجة قصتها وقالت مش ممكن انسى ريحة وحلاوة أيام ما بقينا نلتم انا واخوتي نتربع عالارض حولين طاولة قصيرة مدورة ( طربيزة ) ، وتحط امي سدر الاكل يوم رقاقة عدس ويوم مناسف وكل اكله الها نكهتها وطعمتها 

بتذكر بقت امي توخذ الطعام من لحم وخضرا وتدفنوا بالتراب مشان ميخربش لأنو بقاش ثلاجات

بقت روح البساطة والقناعة بتميز أهل زمان

تابعونا مع القصة التالية