تعتبر فترة حكم حموده باشا، من أحسن فترات الحكم في المملكة التونسية، إزدهرت فيها البلاد إقتصاديا و إستقرت أمنيا، رغم بعض الظروف الطبيعية

المتقلّبة (طاعون 1784-1785) و (مجاعة 1804-1805)،

فهو تعرف بالذكاء و الحكمة في التصرّف و البراعة الديبلوماسية.  

كان حمودة باشا حريص على الإطلاع على آخر ما وصلتو البلدان الأوروبية من تطور علمي و تكنولوجي، و يذكر أنو كان أول من أدخل التطعيم لتونس، و بذلك تكون تونس تقريبا من أوائل الدول في العام الي أجرات التطعيم ضد الأوبئة، كيما يذكر له إجباره لجنود من البحرية الفرنسيس على إجراء تجربة للمنطاد في تونس باش يتفرجو عليه التوانسه و يشوفوا التطور الي وصلوه الفرنسيس، و بذلك كانت تونس أول دولة في العالم بعد فرنسا يطير فيها المنطاد .